பாட்டி வைத்தியம்

நெல்லியை இடித்துச் சாறு பிழிந்து தேன் சேர்த்து சிறிதளவு திப்பிலிப் பொடி கலந்து சாப்பிட்டு வர சுவாச காசம் குணமாகும்.

உலர் பழத்தைச் சாப்பிட்டு வர கண்பார்வை கூடும். வயிற்றுப்போக்கு நிற்கும்.

நெல்லிச்சாற்றை அருந்தி வர நுரையீரல் பெருக்கம் தீரும். புழுக்களை அழிக்கும்.

நெல்லியை அரைத்து சிறிதளவு குங்குமப்பூ கலந்து ரோஜா நீருடன் கலந்து குடிக்க தலைவலி, மூலநோய் நீங்கும்.

நெல்லிச்சாறு உடலிலுள்ள அதிக சர்க்கரையைக் குறைக்கும்.

நாள்தோறும் ஒரு நெல்லிக்கனி தின்றால் இதயக் கோளாறுகள் நீங்கும். நரம்புத் தளர்ச்சி, இளநரை, தோல் சுருக்கம் போன்றவை குணமாகும்.

பாலில் சிறிதளவு நெல்லிச்சாறு கலந்து சாப்பிட்டுவர கீல்வாதம், நரம்புத் தளர்ச்சி, மூளைச்சூடு ஆகியவை குணமாகும்.

நெல்லியை உலர்த்திப் பொடியாக்கி தேய்த்துக் குளிக்க உடலில் சொறி, தோல் சுருக்கம் நீங்கும்.

உலர் நெல்லியை நீரில் போட்டு ஊறவைத்து இந்நீரில் கண்களைக் கழுவி வர கண்நோய்கள் குணமாகும்.

நெல்லிப் பொடியுடன் தேன் அல்லது நெய் கலந்து இரவில் சிறிதளவு உண்டுவர கண்பார்வை மங்குதல் மாறும்.

நெல்லிக்கனியை, எலுமிச்சை இலைகளோடு சேர்த்து அரைத்து பாலில் கலந்து, நரை (ஆரம்பக்கட்ட நரை) முடிகள் மேல் தேய்த்து, ஒரு மணி நேரம் ஊறிய பின் இளஞ்சூடான நீரில் குளித்து வர நரை மேலும் தோன்றாது.

நெல்லியை அரைத்து நெற்றியில் பற்றுப் போட சளியுடன் கூடிய தலைபாரம், தலைவலி நீங்கும்.

நெல்லிச்சாறுடன் தேன் கலந்து சாப்பிட சளி, தும்மல் நீங்கும்.

பாலில் நெல்லிப்பொடியைக் கலந்து கொதிக்க வைத்து, சிறிதளவு நெய்விட்டு கலக்கி அருந்திவர கக்குவான் இருமல் குணமாகும்.

நெல்லிக்காயைத் தின்று வந்தால் பயோரியா நோய், ஸ்கர்வி நோய் நீங்கும். பல் கிருமிகள் அழியும்.

நெல்லிச்சாறில் சந்தனம் கரைத்து சிறிதளவு உட்கொள்ள குமட்டல், வாந்தி நிற்கும்.

நெல்லி விதையை ஊறவைத்து அரைத்து, பாலில் கலந்து சாப்பிட மூலநோய் குணமாகும்.

நெல்லி லேகியம் உண்டு வந்தால் இதயம் வலிமை பெறும். இரத்தக்குழாய் அடைப்பு நீங்கும்.

நெல்லிச் சாறுடன், வாழைப்பட்டை சாறு கலந்து அருந்த பாம்பு, தேள், வண்டு நஞ்சுகள் இறங்கும்.

நெல்லிப்பொடி, நெல்லி லேகியம் இவைகள் மதுவால் புண்ணாகிப்போன உள்ளுறுப்புகளைச் சீராக்கும்.

கத்தரிக்காயின் அட்டகாசமான சில மருத்துவ குணங்கள் :-

கத்தரிக்காயின் அட்டகாசமான சில மருத்துவ குணங்கள் :-

கத்தரிக்காயின் தாவரவியல் பெயர் சொலானம் மெலோஞ்சினா என்பதாகும். சொலானாசியே என்ற குடும்ப வகையைச் சேர்ந்த கத்தரிக்காய், முட்டை செடி மற்றும் ஆபர்ஜீன் என்ற பெயர்களிலும் அழைக்கப்படுகிறது. பல வடிவங்களிலும் வண்ணங்களிலும் கத்தரிக்காய் கிடைத்தாலும், முட்டை வடிவம் அல்லது நீளமாக இருக்கும் கத்தரிக்காய்கள் தான் அதிகம் பயிரிடப்படுகின்றன.

கத்தரிக்காயின் தோல்கள் மிகவும் பளபளப்பாக இருக்கும். அதன் உள்பகுதி பஞ்சு போன்று மிருதுவாக இருக்கும். உள்ளே, அதன் விதைகள் அடுக்கி வைக்கப்பட்டது போல அடர்ந்து வரிசையாகக் காணப்படும்

டைப் 2 சர்க்கரை வியாதிக்கு...

கத்தரிக்காயில் கார்போஹைட்ரேட் மற்றும் நார்ச்சத்து இல்லாததால், இரத்தத்தில் குளூகோஸ் அளவைக் குறைக்கிறது. இதில் உள்ள பீனால்கள் மற்றும் குறைவான க்ளைசீமிக் இன்டெக்ஸ் ஆகியவை குளூகோஸ் அளவைக் கட்டுப்படுத்துகின்றன. எனவே இது டைப் 2 சர்க்கரை வியாதி நோயாளிகளுக்கு அருமருந்தாகும்.

இதய நலனுக்கு...

கத்தரிக்காயில் உள்ள ஃபோலேட், மக்னீசியம், பொட்டாசியம், வைட்டமின் பி3, வைட்டமின் பி6, ஆன்டி-ஆக்ஸிடண்ட்டுகள் மற்றும் பீட்டா கரோட்டீன்கள் ஆகியவை நெஞ்சு வலி ஏற்படுவதைத் தவிர்க்க உதவுகின்றன. இதில் உள்ள ஃபைட்டோ நியூட்ரியண்ட்டுகள் இரத்தத்தில் உள்ள கொலஸ்ட்ராலைக் குறைத்து இரத்த ஓட்டம் இதயத்தில் சீராகப் பாய உதவுகின்றன.

மூளைக்கு...

கத்தரிக்காயில் உள்ள ஃபைட்டோநியூட்ரியெண்ட்ஸ், மூளையில் உள்ள நரம்பு மண்டலங்களைப் பாதுகாப்பதில் முக்கியப் பங்கு வகிக்கின்றன. மேலும், ஞாபக சக்தியை கூர்மையாக வைத்திருக்கவும் கத்தரிக்காய் உதவுகிறது. அதிக மன அழுத்தம் ஏற்படாமல் இருக்கவும் கத்தரிக்காயில் உள்ள வைட்டமின் பி-காம்ப்ளக்ஸுகள் உதவுகின்றன.

இரும்புச்சத்து ....

இரும்புச்சத்து அளவுக்கு அதிகமாக இருந்தால் உடலுக்குக் கெடுதிதான். கத்தரிக்காயில் உள்ள நாசுனின் என்ற வேதிப் பொருள் உடலில் உள்ள அளவுக்கு அதிகமான இரும்புச்சத்தை நீக்க உதவுகிறது.

உடல் எடை குறைய....

கத்தரிக்காயில் நீர்ச்சத்து மிகவும் அதிகம். இரத்தத்தில் உள்ள சர்க்கரை அளவைக் கட்டுப்படுத்துகிறது. உடலில் உள்ள தேவையில்லாத கழிவுகளை அடித்து வெளியேற்ற உதவுகிறது. இதில் உள்ள மெட்டபாலிசம் ஸ்பைக் கலோரிகளை எரிக்க வல்லது. இப்படிப்பட்ட கத்தரிக்காயை நிறைய சாப்பிட்டால் உடல் எடை தானாகவே குறையும்.

செரிமானத்திற்கு...

தக்காளி மற்றும் கத்தரிக்காயினால் தயாரிக்கப்பட்ட சூப், செரிமானத்திற்கு நன்றாக உதவுகிறது. எரிச்சல், வாயு, ஹெமொராய்டுகள், கொலிட்டிஸ், பேதி உள்ளிட்ட பல விதமான வயிற்றுப் பிரச்சனைகளைத் தீர்ப்பதால், செரிமானத்திற்கு கத்தரிக்காய் ஒரு அருமையான மருந்துதான்.

பாக்டீரியா எதிர்ப்பான் ...

கத்தரிக்காயில் வைட்டமின் சி குறைவாக இருப்பதால், அது ஒரு சிறந்த வைரஸ் மற்றும் பாக்டீரியா எதிர்ப்பானாக செயல்படுகிறது.

சருமத்திற்கு...

கத்தரிக்காயில் மினரல்கள், வைட்டமின்கள், சில நார்ச்சத்துக்கள் மற்றும் நீர்ச்சத்துக்கள் அதிகம் இருப்பதால், அவை நம்முடைய தோலை ஈரப்பதமாகவும், மிருதுவாகவும் வைத்திருக்க உதவுகின்றன. தோல்களில் தோன்றும் மருக்கள் உள்ளிட்டவற்றைப் போக்கவும் கத்தரிக்காய் பயன்படுகிறது.

கேசத்திற்கு...

கத்தரிக்காயில் உள்ள மினரல்கள், வைட்டமின்கள், மற்றும் அதிகமான நீர்ச்சத்து ஆகியவை தலை முடியின் ஆரோக்கியத்திற்குப் பெரிதும் உதவியாக உள்ளது. தலை முடி நீண்டு, அடர்ந்து, வலிமையாக வளர இவை உதவுகின்றன. மேலும், மயிர்க் கால்களின் வளர்ச்சிக்கும், தலைமுடியின் பளபளப்புக்கும் இதில் உள்ள என்சைம்கள் துணைபுரிகின்றன.

சளிக்கு...

நேரடியாக நெருப்பில் வாட்டப்பட்ட கத்தரிக்காயின் மேல் உப்பை நன்றாகத் தடவி சாப்பிட்டால் சளி பறந்து போகுமாம்!

மலேரியா காய்ச்சல் ....

மலேரியா காய்ச்சலால் அவதிப்படுபவர்கள், வெறும் வயிற்றில் சர்க்கரை கலந்த சுட்ட கத்தரிக்காயை காலையில் சாப்பிட்டால் அது மண்ணீரலுக்கு நல்லது.

தூக்கமின்மை ....

தூக்கமின்மை இருந்தால், தினமும் மாலையில் சுட்ட கத்தரிக்காயை சாப்பிட்டு வந்தால், இரவில் நன்றாகத் தூங்கலாம்.

மூல வியாதிக்கு...

பைல்ஸ் என்னும் மூல வியாதிகளைப் போக்குவதற்கு கத்தரிக்காயின் பச்சைக் காம்புகள் அந்தக் காலத்திலிருந்தே பயன்படுத்தப்பட்டு வருகின்றன.

வலி, வீக்கத்திற்கு...

கத்தரிக்காய்களைப் பாதிப் பாதியாக வெட்டி, மஞ்சள் கலந்து நன்றாக சுட வைத்து, அதை வீக்கம் மற்றும் வலு உள்ள இடங்களில் மருந்தாகக் கட்டுவது நல்லது.

உடல் நாற்றத்தைப் போக்க...

கத்தரிக்காய் ஜூஸை உள்ளங்கைகளிலும், உள்ளங்கால்களிலும் தடவி வந்தால் உடலில் ஏற்படும் துர்நாற்றம் விலகும்.

மாற்று மருந்து

காளான் விஷத்தை முறிக்க மாற்று மருந்தாகக் கத்தரிக்காய் பயன்படுத்தப்படுகிறது.

தோல் வெடிப்புகளுக்கு...

மஞ்சள் கத்தரியுடன் பெட்ரோலியம் ஜெல்லியை சேர்த்து பாதம் மற்றும் விரல்களில் ஏற்படும் வெடிப்புகளுக்கு மருந்தாகத் தடவினால், அந்த வெடிப்புகள் மறையும்.

குடல் புற்றுநோய்க்கு...

கத்தரிக்காயில் உள்ள நார்ச்சத்து மற்றும் பலவிதமான வேதிப் பொருட்கள், பெருங்குடல் புற்றுநோயைத் தீர்க்க வல்லவையாக உள்ளன.

புகைப் பழக்கத்தை ஒழிக்க...

கத்தரிக்காயில் சிறிதளவு நிக்கோட்டின் இருப்பதால், புகை பிடிக்கும் பழக்கம் உள்ளவர்கள் அதிலிருந்து மெல்ல விடுபடலாம்.

இரத்த அழுத்தத்திற்கு...

கத்தரிக்காயில் சோடியம் மிகமிகக் குறைவு என்பதால், உயர் இரத்த அழுத்தம், சிறுநீரக நோய் மற்றும் நெஞ்சுவலி ஆகியவற்றிலிருந்து தப்பிப் பிழைக்கலாம்.

வேதிப் பொருள்கள் ....

கத்தரிக்காயில் புரதம், வைட்டமின் சி, இரும்புச்சத்து ஆகியவை போதுமான அளவில் உள்ளன. மேலும், கால்சியம், பொட்டாசியம், பாஸ்பரஸ், ஃபோலிக் அமிலம், மற்றும் பீட்டா கரோட்டின் ஆகியவையும் உள்ளன.

ஆஸ்துமா....

ஆஸ்துமா, கல்லடைப்பு, பல் சம்பந்தப்பட்ட பிரச்சனைகள் ஆகியவற்றுக்கு கத்தரிக்காய் அருமருந்தாக உள்ளது.